Финансиска анализа за работењето на државните претпријатија
- 20/12/2019
Предмет на финансиска анализа се 30 најголеми претпријатија основани од државата и од единиците на локалната самоуправа. Станува збор за претпријатија, чиишто вкупни приходи во 2018 година изнесувале 45.340.554.013 денари, односно 737 милиони евра. На крајот од минатата година во нив работеле вкупно 22.864 работници. Анализата е направена врз основа на 5 групи на финансиски индикатори изведени од годишните сметки на претпријатијата за периодот 2015-2018 година.
Подетално за профитабилноста, ефикасноста, финансиската стабилност, економичноста и ликвидноста на претпријатијата можете да прочитате во анализата.
Финансиска анализа на работењето на државните претпријатија
Можност за пребарување на претпријатијата и за преземање на нивните завршни сметки за 2018 година.
Финансиска анализа на работењето на државните претпријатија
АД Електрани на Северна Македонија
| Број на вработени за 2018: 4.754 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 13.740.748.747 ден. | 13.468.048.477 ден. | 13.941.083.401 ден. | 16.075.406.675 ден. | |
Вкупните приходи во 2018 година се помали за околу 15% во однос на 2015 година. Во исто време бројот на вработени пораснал за 5% и изнесувал 4.754. Сепак, претпријатието ја зголемила својата профитабилност благодарение на поекономичното работење и во 2018 година имал највисока профитабилност со стапка од 12,2% (просек на 30те претпријатија: 6,7%).
ЈП за државни патишта, Скопје
| Број на вработени за 2018: 427 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 7.653.790.913 ден. | 8.997.297.157 ден. | 6.352.384.970 ден. | 5.836.480.098 ден. | |
Бројот на вработени за 4 години пораснал за 15%, но истовремено и приходите се зголемиле за 31%. Претпријатието има висока профитабилност од 35,1% просечно, односно 32,7% за 2018 година, што е значително над просекот. Претпријатието ја влошува својата позиција во однос на добавувачите. Обврските ги плаќа просечно за 274 дена, но во 2018 година овој индикатор е значително полош и изнесува дури 458 дена.
АД МЕПСО Скопје
| Број на вработени за 2018: 585 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 6.147.788.903 ден. | 5.529.187.817 ден. | 5.162.551.338 ден. | 5.237.528.283 ден. | |
Бројот на вработени за 4 години пораснал за 12,5%, а на приходите за 17,4%. Профитабилноста на претпријатието за 4те години е променлива и главно зависи од набавната цена на електричната енергија за одделни периоди. Највисока профитабилност претпријатието има во 2015 година (13,5%), а најмала во 2016 година (3%), додека стапката на профитабилност за 2018 година изнесува 6,4%.
ЈСП Скопје
| Број на вработени за 2018: 1.458 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.858.687.165 ден. | 1.683.279.720 ден. | 1.544.732.307 ден. | 1.850.176.672 ден. | |
Изворите на финансирање на средствата покажуваат дека претпријатието целосно ги има подјадено сопствените извори на финансирање и дека се работи за компанија што ја поседуваат доверителите. Кредитната способност покажува дека финансиските можности на претпријатието се слаби и дека самофинансирањето е негативна големина.
ЈП Национални шуми, п.о Скопје
| Број на вработени за 2018: 2.250 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.679.017.907 ден. | 1.715.605.872 ден. | 1.636.015.794 ден. | 1.777.109.154 ден. | |
Бројот на вработени за 4 години се намалил за ист процент како и процентот на намалување на приходите: 5,5%. Претпријатието успева да работи позитивно, покривајќи ги вкупните расходи во целост и остварувајќи вишок на приходи (за 2018 година, 2%). Но, односот на финансиските приходи и финансиските расходи е негативен со оглед дека често пати за некакви проектни набавки претпријатието се задолжува кај странски и кај домашни банки.
ЈП Водовод и канализација - Скопје
| Број на вработени за 2018: 2.250 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.401.091.803 ден. | 1.510.478.358 ден. | 1.614.530.435 ден. | 1.429.259.240 ден. | |
Претпријатието за 2018 година искажува загуба во износ од 54.280.652 денари (883 илјади евра), а работело со загуба и во 2015 година. Наплатата на побарувањата има тренд на подобрување на 148 дена за 2018 година. За разлика од наплатата, обврските во просек за анализираниот период ги плаќала за 1.661 ден, а во 2018 година овој рок е продолжен на 1.895 дена.
Железници на РСМ Транспорт АД - Скопје
| Број на вработени за 2018: 933 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.214.136.296 ден. | 1.182.612.045 ден. | 1.229.164.996 ден. | 1.672.266.856 ден. | |
Вкупните приходи во 2018 година се помали за 27,4% во однос на 2015 година, а бројот на вработени се намалил за 18,6%. Претпријатието постојано искажува загуба во работењето во анализираниот 4 годишен период. Вкупната загуба изнесува 1.719.176.186 денари (околу 28 милиони евра). Кредитната способност покажува дека вкупните долгови на претпријатието се поголеми од нејзиниот капитал и резерви.
ЈП Комунална хигиена - Скопје
| Број на вработени за 2018: 1.203 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.196.348.618 ден. | 1.206.569.274 ден. | 1.273.868.303 ден. | 1.180.622.519 ден. | |
Вкупните приходи во 2018 година се поголеми за околу 1,3% во однос на вкупните приходи искажани во 2015 година. Во исто време бројот на вработени се намалил на 1.203 односно за 6,2%. Наплатата на побарувањата на претпријатието изнесува 81 ден просечно, а плаќањето на обврските за 117 дена. Изворите на финансирање на средствата ја покажуваат финансиската стабилност на претпријатието.
АД Пошта на Северна Македонија
| Број на вработени за 2018: 2.157 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.184.838.614 ден. | 1.210.433.687 ден. | 1.358.846.391 ден. | 1.372.713.191 ден. | |
Втора година по ред претпријатието искажува загуба. Во 2017 година загубата изнесувала 184.566.099 денари (3 милиони евра), а во 2018 година во износ од 166.754.206 денари (2,7 милиони евра). Трендот на намалување на приходите за 13,7% споредено меѓу 2018 и 2015 година и намалувањето на бројот на работниците за 5,1% не бил проследен со соодветно намалување на расходите.
ЈП за одржување и заштита на магистралните и регионалните патишта
Македонијапат - Скопје
| Број на вработени за 2018: 764 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.134.679.484 ден. | 985.280.799 ден. | 1.013.059.896 ден. | 772.563.543 ден. | |
Компанијата на крајот на 2018 година има основна главнина, резерви и тековна добивка во износ од 106.582.672 денари, а пренесена загуба од дури 760.391.147 денари. Загубата за 7 пати ги надминува капиталот и резервите. Обврските на компанијата на крајот на 2018 година изнесуваат 1.201.587.756 денари и се повисоки за повеќе од 11 пати од капиталот и резервите на компаниите. Компанијата е „поседувана“ од доверителите. Вистинско решение за ваквата состојба е санирање на компанија.
АД М-НАВ Скопје
| Број на вработени за 2018: 288 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 1.054.513.987 ден. | 948.534.537 ден. | 803.750.642 ден. | 785.091.269 ден. | |
Вкупните приходи во 2018 година бележат раст од 34,3% споредени со 2015 година. Бројот на вработени во 2018 година изнесува 288 лица, што е зголемување во однос на 2015 година (270 лице) за 6,7%. Средствата што ги поседува претпријатието 90% се финансирани од сопствени извори, додека 10% од поседуваните средства се набавени на товар на добавувачите (кредиторите).
Национална радиотелевизија - Скопје
| Број на вработени за 2018: 818 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 949.925.484 ден. | 1.037.492.576 ден. | 1.189.828.620 ден. | 1.284.215.273 ден. | |
Вкупните приходи во 2018 година се помали за 26% во однос на 2015 година. Наспроти тоа финансиските расходи (105.061.885 денари) во 2018 година се двојно поголеми од претходната година. Произлегува дека искажаната загуба за 2018 година произлегува од високите финансиски расходи (камати: 40.463.612, курсни разлики: 3.741.257 денари и група на останати финансиски расходи во износ од дури 60.857.016 денари, нешто помалку од 1 милион евра).
ЈП за железничка инфраструктура МЖ - Скопје
| Број на вработени за 2018: 1.004 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 920.734.461 ден. | 834.759.199 ден. | 863.480.479 ден. | 966.931.130 ден. | |
Претпријатието постојано искажува загуба во работењето во анализираниот 4-годишен период. Вкупната загуба изнесува 1.808.650.893 денари (околу 29,4 милиони евра). Средствата што ги поседува претпријатието, 93% се финансирани од сопствени извори, додека 7% од поседуваните средства се набавени на товар на добавувачите (кредиторите).
АД за изградба и стопанисување со станбен простор и со деловен простор
од значење за Републиката
| Број на вработени за 2018: 355 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 880.231.606 ден. | 912.367.049 ден. | 995.060.168 ден. | 1.596.965.184 ден. | |
Вкупните приходи во 2018 година се помали за 44,9% во однос на 2015 година. Во исто време бројот на вработени се зголемил од 317 во 2015 година на 355 вработени во 2018 година (12%). Кредитната способност покажува дека вкупните долгови на претпријатието се половина од нејзиниот капитал и резерви (41% во просек и високи 116% во 2018 година), а степенот на самофинансирање е исто така слаб (28% просечно, односно 95% за 2018 година).
АД Водостопанство на РСМ
| Број на вработени за 2018: 573 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 657.690.938 ден. | 591.219.274 ден. | 579.676.230 ден. | 188.906.395 ден. | |
Просечната стапка на профитабилност на претпријатието од 10,8% e повисока од онаа на анализираните претпријатија која изнесува 5,9%. Средствата што ги поседува претпријатието, 29% се финансирани од сопствени извори (за 2018 година, овој процент изнесува само 5%), додека 71% (за 2018 година, овој процент изнесува 95%), од поседуваните средства се набавени на товар на добавувачите (кредиторите).
ЈП Паркови и зеленила - Скопје
| Број на вработени за 2018: 572 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 455.669.275 ден. | 417.798.634 ден. | 421.323.679 ден. | 388.815.780 ден. | |
Во три од анализираните четири години претпријатието работи со загуби. Освен за 2016 година, за останатите години искажана е загуба во вкупен износ од 34.137.349 денари (555.000 евра). Во исто време бројот на вработени е зголемен за 5,9%. Односот на финансиските приходи и финансиските расходи е негативен во просек и изнесува - 90%.
ЈП за комунални дејности Комуналец Ц.О Струмица
| Број на вработени за 2018: 402 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 317.126.060 ден. | 269.672.226 ден. | 301.532.485 ден. | 297.516.710 ден. | |
Претпријатието работи со добивки во анализираниот период, вкупните расходи ги покрива со вкупните приходи и остварува вишок од 4% во анализираниот период од 4 години. Претпријатието ги наплатува побарувањата за 446 дена просечно за 4те години, односно за 418 дена за 2018 година. Обврските во просек за анализираниот период претпријатието ги плаќала за 401 ден, а во 2018 година овој рок е зголемен на 481 ден.
ЈП Улици и патишта Скопје
| Број на вработени за 2018: 267 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 306.228.168 ден. | 381.454.915 ден. | 280.434.448 ден. | 241.625.375 ден. | |
Вкупните приходи на ЈП Улици и патишта, Скопје во 2018 година се поголеми за 26,7% во однос на вкупните приходи искажани во 2015 година, а бројот на вработените е зголемен за 12,2%. Просечната стапка на профитабилност на претпријатието изнесува 11,4%. Претпријатието ги наплатува побарувањата за 194 дена просечно, а обврските ги плаќала за 282 дена просечно.
ЈП Национална Радиодифузија - Скопје
| Број на вработени за 2018: 144 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 302.376.440 ден. | 290.109.154 ден. | 352.761.286 ден. | 391.751.978 ден. | |
Вкупните приходи на претпријатието во 2018 година се помали за 22,8% во однос на 2015 година, а бројот на вработени е намален за 15,3%. Но, просечната стапка на профитабилност на претпријатието е висока и изнесува 21,7% просечно за анализираниот период, а за 2018 година дури 43,5%. Профитабилноста на компанијата е неколкукратно повисока од анализираните претпријатија.
Меѓуопштинско ЈП ПРОАКВА Струга
| Број на вработени за 2018: 455 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 287.001.494 ден. | 217.357.978 ден. | 216.328.512 ден. | 213.287.556 ден. | |
Со исклучок на 2018та, во сите останати години остварена е нето-загуба. Во периодот од 2015 до 2018 година, вкупните приходи на претпријатието имаат нагорен тренд (зголемени за 34,6%). Во истиот период претпријатието го има намалено бројот на вработени за 7,3%. Претпријатието со сопствени извори финансира само 10% од своите средства, а останатите 90% од средствата се набавени на товар на добавувачите (кредиторите).
ЈКП Водовод Битола
| Број на вработени за 2018: 218 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 242.344.851 ден. | 228.137.039 ден. | 233.701.754 ден. | 231.947.624 ден. | |
Вкупните приходи во 2018 година се поголеми за 4,5% во однос на вкупните приходи искажани во 2015 година. Претпријатието искажува загуба за 2017 година во износ до 26.316.409 денари (428.000 евра). Бројот на вработени во 2015 година изнесувал 230 и се намалил на 218 вработени во 2018 година; намалување на бројот на вработените од 5,2%. Просечната стапка на профитабилност на претпријатието е ниска и изнесува само 0,3%.
ЈП за комунално-производни и услужни работи ИСАР ПО Штип
| Број на вработени за 2018: 336 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 230.689.393 ден. | 224.853.403 ден. | 231.826.016 ден. | 219.127.264 ден. | |
Вкупните приходи во 2018 година се поголеми за околу 5,3% во однос на 2015 година. Во исто време, бројот на вработени се зголемил за 3,1%. Кредитната способност покажува дека вкупните долгови на претпријатието во просек се незначително пониски од нивниот капитал и резерви, и изнесува 98%, додека степенот на самофинансирање е во безбедна зона, со просечни 80% (79% во 2018 година).
ЈП Водовод Куманово со Ц.О Куманово
| Број на вработени за 2018: 237 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 221.413.264 ден. | 219.682.253 ден. | 220.428.388 ден. | 219.377.328 ден. | |
Профитабилноста на претпријатието во анализираниот период е променлива. Најголема нето-добивка претпријатието има во 2015та година, додека во 2017та и 2018та остварува нето-загуба. Претпријатието главно се финансира со задолжување. Само 18% од средствата претпријатието ги финансира со сопствени извори, додека останатите 82% се набавени на товар на добавувачите (кредиторите). Претпријатието не е економично. Во анализираниот период вкупните приходи оставаат -1% од вкупните расходи непокриени.
ЈП Стрежево Битола
| Број на вработени за 2018: 231 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 212.073.632 ден. | 227.327.767 ден. | 223.947.196 ден. | 219.867.376 ден. | |
Во сите години кои се предмет на оваа анализа претпријатието остварува нето-загуба. Најголема загуба е остварена во 2017 година. Претпријатието не е економично. Не успева да ги покрие вкупните расходи со вкупните приходи, односно со вкупните приходи остава непокриени -51% од вкупните расходи во анализираниот период. Овој показател за 2018та година изнесува -53%.
АД ГРАДСКИ ТРГОВСКИ ЦЕНТАР - Скопје
| Број на вработени за 2018: 193 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 210.078.805 ден. | 202.107.168 ден. | 230.087.124 ден. | 232.184.660 ден. | |
Претпријатието не работи профитабилно. Во просек, во анализираниот 4 годишен период претпријатието остава -12% од вкупните расходи непокриени со вкупните приходи. Во 2018та година овој показател е влошен и изнесува -14%. Со оглед на тоа што ГТЦ се финансира со сопствени средства и има ниски финаниски расходи проблемот на претпријатието лежи во ниските оперативни приходи.
ЈКП Тетово ц.о Тетово
| Број на вработени за 2018: 203 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 207.222.062 ден. | 202.973.501 ден. | 194.494.870 ден. | 192.184.796 ден. | |
Во сите анализирани години, освен 2015 година претпријатието искажува загуба. Трендот на зголемување на приходите од 7,8% во 2018 година во однос на 2015 година и намалување на бројот на вработени за 15,4% не бил проследен и со намалување на расходите на претпријатието. Наплатата на побарувањата на претпријатието изнесува 1.125 дена просечно, а обврските во просек за анализираниот период ги плаќала за 502 ден.
ЈКП Водовод Кочани
| Број на вработени за 2018: 229 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 203.212.219 ден. | 182.076.691 ден. | 176.252.263 ден. | 175.725.595 ден. | |
Претпријатието работи позитивно во анализираниот период, остварува вишок од 1% во анализираниот период од 4 години, а за 2018 година расходите се речиси еднакви на приходите. Претпријатието ги наплатува побарувањата на претпријатието за 490 дена просечно, а обврските во просек за анализираниот период ги плаќало за 174 дена.
АД за производство на електрична енергија, ТЕЦ Неготино
| Број на вработени за 2018: 288 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 195.047.383 ден. | 184.377.429 ден. | 194.747.512 ден. | 193.314.390 ден. | |
Претпријатието работи позитивно во анализираниот период, остварува вишок од 4% во анализираниот период. Средствата што ги поседува претпријатието, 99% се финансирани од сопствени извори, додека 1% од поседуваните средства се набавени на товар на добавувачите (кредиторите).
ЈКП Дервен Велес
| Број на вработени за 2018: 327 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 179.390.603 ден. | 189.623.480 ден. | 190.378.997 ден. | 193.415.915 ден. | |
Претпријатието искажува загуба за 2018 година во износ од 253.000 евра, како и тренд на намалување на приходите во периодот 2015 – 2018 година за 7,3%, како и намалувањето на бројот на работниците за 1,2%. Просечната стапка на профитабилноста за анализираните 4 години изнесува 3,5%. Претпријатието ги наплатува побарувањата на претпријатието за 613 дена просечно, а обврските во просек за анализираниот период ги плаќала за 136 дена.
АД Државна лотарија
| Број на вработени за 2018: 50 лица | Години | |||
|---|---|---|---|---|
| Вкупно приходи по години | 2018 | 2017 | 2016 | 2015 |
| 396.455.438 ден. | 282.138.473 ден. | 199.305.238 ден. | 131.924.377 ден. | |
Вкупните приходи на претпријатието во 2018 година бележат раст од 200,5% споредени со 2015та година. Во истиот период, бројот на вработени бележи раст од 35%. Односот на финансиските приходи и финансиските расходи е високо позитивен. Претпријатието е високо ликвидно. Паричните средства се доволни за покривање на краткорочните обврски (моменталната ликвидност во просек е 138%, односно 213% во 2018 година).
